حوار مع نسختي/ نسختك الحالمة المحبطة!
حوارات ذات (٨)
حوار مع نسختي/ نسختك الحالمة المحبطة!
🔹 محبطة أوي يا ندى 😔
- ليه يا ذات؟
🔹 بقالي كتير شغالة على نفسي.. بس مش حاسة إني وصلت لحاجة ... خصوصا في العلاقات.. ده حتى علاقتي بماما..
- طيب قوليلي كنتي بتشتكي من ايه في البداية في علاقتك بماما؟
🔹 مكنتش بعرف أتكلم معاها أصلا!
دايما غضبانة منها..
بنتخانق على طول..
بهرب إني اتعامل معاها..
-طيب ودلوقتي؟
🔹 مممم...
يعني عادي..
ممكن نتكلم .. بس كلام عادي
بقيت بقعد معاها أكتر.. بس في العادي يعني
الغضب قل كتير..
بس مش حاسة إني وصلت لحاجة
- عارفة ايه سبب الاحباط يا ذات؟
🔹 ايه؟
- التوقعات بالسيناريوهات المثالية الحالمة...
🔹يعني ايه؟
- يعني ممكن تكون جملة (موصلتش لحاجة) بالنسبة لك إنك عايزة العلاقة تتحول لفراشات بتطير في السماء وقاعدين في جنينة بتضحكوا بصوت عالي وأحضان طول الوقت..
🔹 مممم... آه فعلا أنا كنت راسمة صورة كده معينة!
- طيب متنسيش يا ذات إن شغلك على نفسك إنتي فقط.. ومتنسيش إن فيه طرف تاني له الحق في الاختيار هو كمان!
🔹 يعني أنا كده وصلت لحاجة فعلا؟
- مش انتي حاسة بتغيير (جواكي) تجاه والدتك؟
🔹 اه طبعا!
- وبقيتي عارفة تتعاملي معاها وتتفهميها أكتر؟
🔹 الحقيقة اه!
- يبقى وصلتي لحاجة ولا لأ؟
🔹 مممم.... تصدقي صح!
- شطورة يا ذات خدي بوسة بأه 😘
___
لحجز جلسات أونلاين من خلال اللينك
https://wa.me/message/FM4LDJASB43WD1
#ندى_عبد_الفتاح
#صحة_نفسية
#حوارات_ذات
#peat
تعليقات
إرسال تعليق