حوار مع نسختي / نسختك المحتاسة في مشاعرها
حوارات ذات (٥):
حوار مع نسختي / نسختك المحتاسة في مشاعرها ...
ندااااااه 
خير يا ستو أنا
أنا زهقت من نفسي... بصي أنا عايزة أعترف لك في اعتراف 
اتفضلي 
أنا بقالي سنين مش مرتاحة.. ولا عارفة أفرح ولا بعرف أخرج من حالة الحزن.. مش عارفة أندمج مع حد 
تعبت - مممم
يعني حاسة إن مشاعرك هي اللي متحكمة فيكي؟
ومش عارفة أتعامل معاها إزاي 
- سمعتي قبل كده عن مصطلح الحرية النفسية؟
ايوا شفتك بتتكلمي عنه بس يعني حسيته كلام وخلاص هستفيد منه إيه في أرض الواقع؟؟- طيب تعالي أسألك سؤال وانتي تقوليلي هتستفيدي ايه...
ايه عكس الحرية النفسية؟
مممم... السجن النفسي؟- بالضبط... إنك تكوني أسيرة لمشاعرك وحالتك النفسية... تكون هي اللي متحكمة فيكي ...
يعني تدخلي في مود الحزن ده تقومي تتخانقي معاه ومتعرفيش تخرجي منه
تيجي تفرحي تخافي إنك فرحانة أو تتمكسي بالحال ده جدااااا ومتكونيش عايزاه يخلص
تقومي تروحي لحال تالت وهو حال الإحباط... وده يطول معاكي بأه فتحسي إنك دخلتي في اكتئاب..
ايوا ... هو مش ده العادي؟- تخيلي آه؟
أمال ايه العادي؟- خليني أسميها ايه المريح لإنه للأسف مبقاش ده (العادي)..
المريح إنك تعرفي إزاي تتعاملي مع مشاعرك:
ولا تتخانقي معاها
ولا تنكريها
ولا تغرقي وتحتاسي فيها
أمال أعمل ايه؟- حسيها!
بس كده؟- أمال انت فاكر ايه؟
لأ مش بس كده..
الفكرة إن أي شعور لو هربتي منه هيفضل مكبوت جواكي سنين لغاية ما يعبر عن نفسه بأي طريقة بأه.. أوجاع جسدية.. اكتئاب .. زي ما تيجي...
لكن لو تواصلتي مع الشعور على إنه مجرد شعور جواكي وتقبلتي إنك كإنسانة جواكي عدد لا متناهي من المشاعر والأحوال هتسمحي بوجود الشعور ده بوعي وتمكن يعبر عن نفسه فترة ويمر مرور الكرام
ايه ده دي حاجة مريحة!طيب أعملها إزاي دي؟
- اتنفسي!
يعني ايه؟-جالك شعور غضب مثلا...
انتبهي له.. شوفي موجود فين في جسمك... تواصلي معاه من غير خناقة.. بهدوء وحكمة... غمضي عينك... خدي شهيق عميق وتخيلي معاه إنك بتجمعي شعور الغضب ده.... زفير برااااحة وخرجي الغضب مع النفس ... وكرري ده لغاية ما ترتاحي.
دي حاجة مريحة! 
- قوليلي لو قدرتي تعملي كده مع المشاعر المسيطرة عليكي هتحسي بإنك ايه؟
حره!- حرية نفسية!
حلو أوي يا ندى!طب ولو معرفتش أو الموضوع أكبر من كده؟
- لأ يبقى تعالي لي أنا بأن نعمل جلسة! 
لا يا ستي أنا عايزة أبقى حرة 
... علميني الصيد بدل ما تديلي سمكة كل مرة - خلاص تعالي يلا في الكورس وأنا أعلمك تساعدي نفسك وغيرك كمان! 
شكرا يا نودي 
- عفوا يا ستو أنا 
__
استعدي للإبحار في عالمك الداخلي 
تعليقات
إرسال تعليق