حوار بيني وبين نسختي/نسختك الساعية للتشافي..

 

 

 

حوارات ذات (١)

Are you open to receive?

حوار بيني وبين نسختي/نسختك الساعية للتشافي..

أقولك على حاجة غريبة يا ندى؟

- قولي..

 

أنا اكتشفت إني مش عايزة أخد حاجة من حد عايزة أدي وبس؟

- مش عايزة ولا خايفة؟

يعني ايه؟

- يعني ممكن مثلا واحدة تكون طول عمرها بتدور على الحب والاهتمام وأول ما يجي لها تهرب وترفضه..

أيوا أنا كده!!! دي حاجة تجنن بجد.. ليه فيه ناس كده؟؟!

- أسباب كتير..

ممكن تكوني مش عايزة تستقبلي الحب عشان:

حاسة إنك أقل من إنك تتحبي..

مش جميلة كفاية..

عايزة تثبتي لنفسك قناعة معينة مريحة ليكي زي إن كل الرجالة خاينين.. الناس ملهاش أمان..

مريتي بتجربة قبل كده ومحررتيش مشاعرها وخايقة تكرر تاني

طب ولو مفيش ولا سبب من دول عندي..

أنا جميلة ومتزنة تجاه نظرتي للرجال ومسبقش إني مريت بتجربة مؤذية!

-عارفة ايه أغرب سبب لرفض استقبال الحب بشكل عام؟

ايه يا ندى؟

- إنك مش عايزة تشيلي مسؤلية استقبال الحب في حياتك!

يعني ايه؟؟

- يعني مقابل استقبال الحب محتاجة تنفقي حب.. وممكن تكوني مش عايزة تعملي كده..

بجد؟؟ عمري ما فكرت فيها؟

طب ليه يعني أعمل كده؟

- ممكن تكوني اتعودتي إنك البنت المدللة اللي واخده اهتمام الكل من غير مجهود.. فلما كبرتي عايزة تكملي في الدور ده

ممكن يكون جواكي غضب تجاه أي علاقة مريتي فيها وكنتي بتبذلي عطاء ومحستيش بالتقدير.. فقررتي تقفلي على قلبك أحسن..

ايوا أنا بخاف من الخذلان أوي..

- طول ما إنت واعية إنك لا تكوني أسيرة للتوقعات أو التعلق مش هتحسي بخذلان..

بس ده مش سهل..

- لو عايزة نتيجة جديدة في حياتك جربي حاجة جديدة..

لا مش هقدر...

- ما هي دي مشكلتك.. إنك مصدقة إنك ضعيفة!

ما هو لو بقيت قوية مش هكون محتاجة لحد في حياتي بأه..

- وليه منطق إما أو؟

إما أكون ضعيفة واعتمادية.. أو قوية ومستغنية؟

مينفعش قوية ومستمتعة؟

لا مش مقتنعة... مش حاسة إن ده حب وفيه مشاعر وكده..

- إنتي تقصدي الحب الفطري المريح والمشاعر المتزنة ولا حب الأغاني والافلام والسوشيال ميديا؟

مممم.. فهمت قصدك

طيب بصي... حاسة مش هكون تلقائية كده ...

- التلقائية هي أصلا تجسيد لبرمجة سابقة خدت مراحلها جواكي من الوعي إلى اللاوعي لغاية ما بقت (تلقائية)

بس هخاف أقع ومقدرش أكمل؟

- حاولي وجربي ومع الوقت هتكتسبي الخبرة

وكفاية إنك بتسعي بوعي جديد..

__________

لحجز جلسات تحرير المشاعر والصدمات التواصل على رسائل الصفحة

https://www.facebook.com/nada.abdelfattah.peat/

أو واتساب رقم 00201097766828

https://wa.me/message/FM4LDJASB43WD1

استعدي للإبحار في عالمك الداخلي

#ندى_عبد_الفتاح

#صحة_نفسية

#حوارات_ذات