حوار مع نسختي/نسختك ال .. "أنا كنت فاكراه مختلف!"
حوارات ذات (6)
حوار مع نسختي/نسختك ال .. "أنا كنت فاكراه مختلف!"
أنا كنت فاكراه مختلف.. بس طلع زيه زي غيره.... أصلا الرجالة كلهم نر جسيين! 
- انتم مش كنتم مع بعض في الكلية وعارفين بعض كويس جدا؟
اه- وأثناء الخطوبة؟
- وايه اللي حصل بعد كده؟
مفيش.. بعد الجواز ظهر على حقيقته بأه..إهمال.. تريقة.. بصي عمري ما حسيت نفسي صغيره في عين حد كده! بس أنا مش هسكت له! أنا لا يمكن أكون ضعيفة! عمري ما هسمح لحد يكسرني.
- طيب قوليلي.. علاقة ماما وبابا عاملة إزاي؟
بصي بابا معانا حاجة ومعاها حاجة تانية خالص..- إزاي؟
يعني معانا كريم جدا وبيخاف علينا...- ومع ماما..
بخيل وعلى طول بيزعق ويقلل منها..- وانتي لما كنتي بتشوفي ماما في المواقف دي كنتي بتحسي بإيه؟
بتصعب عليا أوي!- فقررتي تاخدي حق مامتك من جوزك!
ايه ده؟ يعني ايه اللي بتقوليه مش فاهمة حاجة؟- خليني أقولك كذا مفهوم كده أول مرة سمعت عنهم
كان من د. محمد طه:
الولاء الخفي.
التقرار القهري للأحداث.
المواقف غير المنتهية.
لأ مش فاهمة حاجة..- جوزك.. إنسان زي أي بني آدم... جواه كل النسخ والهويات والاحتمالات..
لما كنتم مخطوبين سمحتي لنفسك تستقبلي منه النسخة الكريمة الطيبة لإن مرحلة الخطوبة عندك قناعاتك عنها فطرية لم تلوث.
لكن لما بدأتي مرحلة الجواز.. سمحتي لنفسك تخرجي منه النسخة اللي شبه والدك مع والدتك عشان...
لأ ثانية واحدة! ليه يعني هو معندوش شخصية وأنا اللي هلعب بيه؟- لأ.. بس خليني أسألك.. هل هو مع الكل كده؟
لأ- طب اشمعنى معاكي إنتي كده؟ إشمعنى بعد الجواز؟
طيب كملي عايزى تقولي ايه؟- انتي قررتي بشكل لا واعي تعيدي تجربة والدك ووالدتك عشان القصة معجبتكيش وعايزة تعيدي صياغتها بالشكل اللي يرضيكي..
عرفتي إزاي؟- انتي بتتخانقي مع أنهي شعور ورافضة وجوده جواكي؟
الضعف- مين كان ضعفها بيستفزك؟
ماما!!!!- فهمتي حاجة؟
طب أعمل ايه يعني دلوقتي أنا خفت كده!- مجرد وعيك بالأمور دي كافي يعالج جزء كبير..
باقي إنك تتقبلي وجود مشاعر الضعف في الحياة لإنها جزء من توازن تكوينا النفسي كبني آدم طبيعي..
وتسمحي بوجود قصص مش بتاعتك ومش ماشية زي ما بتتمني
يعني أنا لو ركزت مع نفسي بس مش هكون أنانية؟- هتكوني إنتي
ولما تكوني إنتي هتخدمي الكل 
تعليقات
إرسال تعليق